ငှက်ပျောသီးနဲ့ ကျန်းမာရေး 🍌

မင်မင်တို့ မြန်မာနိုင်ငံမှာ ပေါလည်းပေါ အရသာလည်းရှိတဲ့ ငှက်ပျောသီးအကြောင်းကို မင်မင်တို့ လေ့လာကြည့်ရအောင် 🤗

ငှက်ပျောသီးမှာဆိုရင် ကျန်းမာရေးအတွက်လိုအပ်တဲ့ အာဟာရတွေ အများကြီးပါလို့ ကျန်းမာရေးအတွက် အလွန်ပဲကောင်းတဲ့ အသီးတစ်မျိုးပဲဖြစ်ပါတယ်။

လေ့လာတွေ့ရှိချက်များအရ ငှက်ပျောသီးရဲ့ ကောင်းကျိုး ၁၁ မျိုးကို ဝေမျှပေးလိုက်တယ်နော်

၁။ ငှက်ပျောသီးမှာ အရေးကြီးတဲ့ အာဟာရတွေ အမြောက်အမြားပါဝင်နေတယ်

ငှက်ပျော်သီးကို အရှေ့တောင်အာရှဒေသမှာ စတင်ပေါ်ခဲ့တာဖြစ်ပြီး အခုတော့ ကမ္ဘာနဲ့တစ်ဝှန်းမှာ လူကြိုက်များတဲ့သစ်သီးဖြစ်နေပါပြီ။

ငှက်ပျောသီးကို အရွယ်အစားမျိုးစုံ၊ အရောင်မျိုးစုံ၊ ပုံစံမျိုးစုံနဲ့ တွေ့နိုင်ပါတယ်။

ငှက်ပျောသီးမှာဆိုရင် အမျှင်ဓာတ်အမြောက်အမြားပါဝင်ပြီး ဓာတ်တိုးဆန့်ကျင်ပစ္စည်းများလည်း ပါဝင်နေပါတယ်။

၁၁၈ ဂရမ်အလေးချိန်ရှိတဲ့ ငှက်ပျောသီးတစ်လုံးမှာဆိုရင်

• Potassium ( တစ်နေ့တာလိုအပ်ချက်ရဲ့ ၉%)

• Vitamin B6 ( တစ်နေ့တာလိုအပ်ချက်ရဲ့ ၃၃%)

• Vitamin C (တစ်နေ့တာလိုအပ်ချက်ရဲ့ ၁၁%)

• Magnesium (တစ်နေ့တာလိုအပ်ချက်ရဲ့ ၁၄%)

• Copper (တစ်နေ့တာလိုအပ်ချက်ရဲ့ ၁၀%)

• Manganese (တစ်နေ့တာလိုအပ်ချက်ရဲ့ ၁၄%)

• Carbohydrate ၂၄ ဂရမ်

• အမျှင်ဓာတ် ၃.၁ ဂရမ်

• အသားဓာတ် ၁.၃ ဂရမ်

• အဆီ ၀.၄ ဂရမ် တို့ပါဝင်ပါတယ်

ငှက်ပျောသီးတစ်လုံးစားလိုက်မယ်ဆိုရင် စွမ်းအင် ၁၀၅ ကယ်လိုရီ ရရှိမှာပဲဖြစ်ပါတယ်။

မမှည့်သေးတဲ့ ငှက်ပျောသီးမှာဆိုရင် အဆာခံစေတဲ့ ကစီဓာတ်ပါပြီး မှည့်လာတာနဲ့အမျှ ကစီဓာတ်ကနေ သကြားဓာတ်အဖြစ်ပြောင်းလဲသွားတာပဲဖြစ်ပါတယ်။

၂။ ငှက်ပျောသီးမှာ သွေးတွင်းသကြားဓာတ်ကို ထိန်းညှိပေးမယ့် ဓာတ်တွေပါဝင်တယ်

ငှက်ပျောသီးမှာ Pectin လို့ခေါ်တဲ့အမျှင်ဓာတ်ပါဝင်တာကြောင့် ငှက်ပျောသီးရဲ့အသားကို ရေမြုပ်ပုံစံဖြစ်စေပါတယ်။

ငှက်ပျောသီးစိမ်းမှာပါဝင်တဲ့ ကစီဓာတ်ကလည်း အမျှင်ဓာတ်အနေနဲ့ အစာချေဖျက်ခြင်းမှ ရှောင်တိမ်းနိုင်ပါတယ်။

အဆိုပါ Pectin နဲ့ ကစီဓာတ်တွေက အစာစားပြီးချိန်မှာ သွေးတွင်းသကြားဓာတ်ကို ထိန်းညှိပေးပြီး အစာအိမ်အတွင်း အစာချေဖျက်နှုန်းကို နှေးစေပါတယ်။

ကျန်းမာတဲ့သူတွေမှာ ငှက်ပျောသီးစားပြီး သွေးတွင်းသကြားထိုးတက်ခြင်း မဖြစ်နိုင်ပေမယ့် ဆီးချိုရောဂါရှိသူတွေအတွက်ကတော့ ငှက်ပျောသီးမှည့်များကို အများအပြားစားသုံးခြင်း မပြုဖို့ လိုအပ်ပါတယ်။

၃။ ငှက်ပျောသီးက အစောချေစနစ်ကို အားကောင်းစေတယ်

ဟုတ်ပါတယ်။ အမျှင်ဓာတ်ဟာ အစာချေစနစ်ကိုအားကောင်းစေခြင်းဆိုတဲ့ ကျန်းမာရေးအကျိုးအာနိသင်ရှိပါတယ်။

ငှက်ပျောသီး အလတ်စားတစ်လုံးမှာ အမျှင်ဓာတ် ၃ ဂရမ်အထိ ပါဝင်နိုင်ပါတယ်။

ငှက်ပျောသီးမှာပါဝင်တဲ့ အမျှင်ဓာတ်က နှစ်မျိုးရှိပါတယ်။

• Pectin: အသီးမှည့်လာသည်နှင့်အမျှ လျော့နည်းသွားသည်

• Resistant Starch : ငှက်ပျောသီးအစိမ်းတွင်တွေ့ရသည်

Resistant starch လို့ခေါ်တဲ့ ကစီဓာတ်ဟာ အစာချေစနစ်ရဲ့ ချေဖျက်ခြင်းမခံရဘဲ အူမကြီးမှာ နေထိုင်တဲ့ ခန္ဓာကိုယ်ကိုအကျိုးပြုတဲ့ ဘက်တီးရီးယားတွေအတွက် အစာအဖြစ် ရောက်ရှိသွားပါတယ်။

ထပ်ဆောင်းပြောရရင် တစ်ချို့သော လေ့လာတွေ့ရှိချက်တွေအရ Pectin ဓာတ်ဟာ အူသိမ်ကင်ဆာကို ကာကွယ်ရမှာ ကူညီပေးတယ်လို့ တွေ့ရှိရပါတယ်။

၄။ ငှက်ပျောသီးက ကိုယ်အလေးချိန်လျှော့ချရာတွင် ကူညီပေးသည်

ငှက်ပျောသီးက ကိုယ်အလေးချိန်ကို ကျစေတယ်ဆိုတဲ့ လေ့လာစမ်းသပ်မှုတွေတော့မရှိပါဘူး။ ဒါပေမယ့် ဝိတ်ချရာမှာ တစ်ဖက်တစ်လမ်းကနေ ကူညီပေးပါတယ်။

ငှက်ပျောသီးမှာ စွမ်းအင် ၁၀၀ ကယ်လိုရီသာသာပါတာကြောင့် အာဟာရရှိပြီး ဗိုက်ဝစေပါတယ်။

ဟင်းသီးဟင်းရွက်နဲ့ သစ်သီးတို့မှာပါဝင်တဲ့ အမျှင်ဓာတ်များများစားသုံးခြင်းဟာ ကိုယ်အလေးချိန်လျော့ကျခြင်းနဲ့ပက်သက်ဆက်နွယ်နေပါတယ်။

၅။ ငှက်ပျောသီးက နှလုံးကျန်းမာရေးကို အထောက်အပံ့ပေးတယ်

နှလုံးအတွက် အဓိကအရေးပါတဲ့ Potassium ဓာတ်ဟာ ငှက်ပျောသီးမှာ အလွန်ပဲကြွယ်ဝပါတယ်။

Potassium ကြွယ်ဝတဲ့ အစားအစာဟာ သွေးတိုးကိုကျစေပြီး နှလုံးရောဂါဖြစ်နိုင်ချေကိ ၂၇ ရာခိုင်နှုန်းအထိလျှော့ချပေးပါတယ်။

ထိုအပြင် နှလုံးအတွက်လိုအပ်တဲ့ magnesium ဓာတ်လညိး ငှက်ပျောသီးမှာ ပါဝင်ပါသေးတယ်။

၆။ ငှက်ပျောသီးတွင် အလွန်အစွမ်းထက်သော ဓာတ်တိုးဆန့်ကျင်ပစ္စည်းများ ပါဝင်သည်

ဓာတ်တိုးဆန့်ကျင်ပစ္စည်းတွေဟာ ဟင်းသီးဟင်းရွက်နဲ့ သစ်သီးတို့မှာ အများဆုံးပါဝင်ပါတယ်။

ဓာတ်တိုးဆန့်ကျင်ပစ္စည်းဆိုတာဟာ Dopamine နဲ့ catechins တို့ကိုခေါ်တာပါ။

အဆိုပါ ဓာတ်တိုးဆန့်ကျင်ပစ္စည်းတွေက များစွာကျန်းမာရေးကိုအကျိုးပြုတာကြောင့် နှလုံးရောဂါဖြစ်ပွားမှုနဲ့သက်ကြီးရောဂါဖြစ်မှုကို လျှော့ချပေးပါတယ်။

Dopamine ဓာတ်ကြောင့် ငှက်ပျောသီးစားပြီးတဲ့အချိန်မှာ စိတ်ပျော်ရွှင်မှုကိုလည်းခံစားရမှာပါ။

၇။ ငှက်ပျောသီးက သင့်ကို ဗိုက်ပြည့်တဲ့ခံစားမှုဖြစ်စေတယ်

ငှက်ပျောသီး စိမ်းလေလေ အထက်မှာဖော်ပြခဲ့တဲ့ Resistant starch များလေလေပါပဲ။

​အဆိုပါ resistant starch နဲ့ pectin က အစာစားချင်စိတ်ကိုလျှော့ချပေးပြီး အလွယ်အတူဗိုက်ပြည့်စေတဲ့ ခံစားမှုမျိုးကို ရရှိစေပါတယ်။

၈။ ငှက်ပျောသီးစိမ်းက insulin ဟော်မုန်းကို တုန့်ပြန်မှုကောင်းစေတယ်

ဆီးချိုရောဂါရှိသူတွေမှာဆိုရင် insulin ဟော်မုန်းကို ခန္ဓာကိုယ်က ကောင်းကောင်းမတုံ့ပြန်နိုင်ပါဘူး။

လေ့လာတွေ့ရှိချက်များအရ တစ်နေ့ကို Resistant starch ၁၅- ၃၀ ဂရမ် စားသုံးပါက တစ်လအတွင်း insulin ဟော်မုန်းကို တုံ့ပြန်နိုင်စွမ်း ၃၃-၅၀% တိုးတက်လာတယ်လို့ တွေ့ရှိရပါတယ်။

ငှက်ပျောသီးစိမ်းမှာ Resistance starch များစွာပါဝင်တာကြောင့် ဆီးချိုရောဂါရှင်တွေအတွက် အသင့်တော်ဆုံးပါပဲ။

၉။ ငှက်ပျောသီးက ကျောက်ကပ်ကျန်းမာရေးကို ကောင်းစေတယ်

Potassium ဓာတ်ဟာ သွေးပေါင်ချိန်ထိန်းညှိဖို့နဲ့ ကျန်းမာတဲ့ ကျောက်ကပ်လုပ်ငန်းအတွက် အဓိကအရေးပါတဲ့နေရာက ပါဝင်ပါတယ်။

ဒါကြောင့် Potassium ဓာတ်ကြွယ်ဝတဲ့ ငှက်ပျောသီးက ကျန်းမာတဲ့ ကျောက်ကပ်ပိုင်ဆိုင်ဖို့ အရေးကြီးတာပေါ့။

တစ်ပတ်ကို ငှက်ပျောသီး ၂ ကြိမ်မှ သုံးကြိမ်စားသုံးတဲ့ အမျိုးသမီးများကို ၁၃ နှစ်ကြာလေ့လာထားတဲ့ လေ့လာချက်အရ ကျောက်ကပ်ရောဂါဖြစ်ပွားမှုနှုန်းဟာ တခြားသူတွေထက် ၃၃% လျော့နည်းတယ်ဆိုတာ တွေ့ရပါတယ်။

တစ်ပတ်ကို ၄ ကြိမ်မှာ ၆ ကြိမ်စားသုံးသူတွေကို လေ့လာထားတဲ့ တခြားသော လေ့လာချက်တွေမှာတော့ငှက်ပျောသီးစားသုံးသူတွေက မစားသောသူတွေအောက် ကျောက်ကပ်ရောဂါဖြစ်ပွားမှုနှုန်း ၅၀ ရာခိုင်နှုန်းလျော့နည်းတယ်ဆိုတာ တွေ့ရပါတယ်။

သွေးတွင်း potassium ဓာတ်များတဲ့ အခြေအနေရှိတဲ့သူများ (ဥပမာ နာတာရှည့်ကျောက်ကပ်ဝေဒနရှင်များ) ကတော့ သတိထားပြီး သင့်တင့်မျှတစွာ စားသုံးသင့်ပါတယ်။

၁၀။ ငှက်ပျောသီးက ကိုယ်လက်လေ့ကျင့်ခန်းအတွက် အကျိုးရှိတယ်

ငှက်ပျောသီးမှာပါဝင်တဲ့ သက်စောင့်ဓာတ်တွေနဲ့ အလွယ်တကူချေဖျက်နိုင်တဲ့ Carbohydrate ဓာတ်ပါဝင်တာကြောင့် အားကစားသမားများအတွက် ပြီးပြည့်စုံတဲ့ အစားအစာလို့ ခေါ်ကြပါတယ်။

ငှက်ပျောသီးစားသုံးပါက လေ့ကျင့်ခန်းနဲ့သက်ဆိုင်တဲ့ ကြွက်တက်မှုများ၊ ကြွက်သားရောင်ရမ်းမှုများကို သက်သာစေပါတယ်။

၁၁။ ငှက်ပျောသီးကို သင့်ပုံမှန်အစားအသောက်နဲ့ အလွယ်တကူ တွဲဖက်စားသောက်နိုင်တယ်

ငှက်ပျောသီးဟာ ကျန်းမာတဲ့ အစားအသောက်ဖြစ်ရုံမကဘဲ သရေစာအဖြစ်လည်း အလွယ်တကူစားနိုင်ပါတယ်။

ဒိန်ချဉ်၊ ကောက်ပဲသီးနှံတို့နဲ့ အလွယ်တကူရောစားလို့ရသလို ဖျော်ရည်လုပ်သောက်လို့လည်းရပါသေးတယ်။ မုန့်ဖုတ်ရာမှာလည်း သကြားအစားထိုးအသုံးပြုလို့ရပါသေးတယ်။

သူတို့ရဲ့ ထူထဲလှတဲ့ အခွံကြောင့် ပိုးသတ်ဆေးရန်ကိုလည်းကြောက်စရာမလိုတော့ဘူးပေါ့။

အချုပ်အားဖြင့် လွယ်ကူသက်သာစားရလွယ်ပြီး ကျန်းမာရေးနဲ့ ညီညွတ်တဲ့ ငှက်ပျောသီးလေးတွေစားရင်းကျန်းမာကြံ့ခိုင်တဲ့ ဘဝကို ပိုင်ဆိုင်နိုင်ကြပါစေ။

EMERALD LIN